ഒരു വല്ലം പൊന്നും പൂവും | Oru Vallam Ponnum Poovum in Malayalam Lyrics | Minnaram Movie Song Lyrics

Lyrics in Malayalam

 ഒരു വല്ലം പൊന്നും പൂവും കരിനീല ചാന്തും

കണിക്കാണാക്കുന്നിൽ മിന്നും തിരുകോടി പാവും

പടകാളി പെണ്ണേ നിന്റെ മണിമെയ്യിൽ ചാർത്തീടാം

തുളുനാടൻ ചേലിൽ നിന്നെ വരവേൽക്കാൻ വന്നോളാം

ഒരു വല്ലം പൊന്നും പൂവും കരിനീല ചാന്തും

കണിക്കാണാക്കുന്നിൽ മിന്നും തിരുകോടി പാവും

ഓരിലത്താളി ഞാൻ തേച്ചു തരാം

നിന്റെ തളിർമേനിയാകെ ഞാൻ ഓമനിക്കാം

ചാലിച്ച ചന്ദനം ഞാനൊരുക്കാം

നിന്റെ തുടുനെറ്റി പൂവിലൊരുമ്മ വെയ്ക്കാം

അരയിലാടുന്ന പുടവ മൂടുന്നൊരഴകും ഞാനല്ലേ

കരളിലാളുന്ന കനലിൽ വീഴുന്ന ശലഭം ഞാനല്ലേ

കതിരവനെതിരിടും ഇളമുളം കിളിയുടെ

ചിറകിലരികെയണയാം

ഒരു വല്ലം പൊന്നും പൂവും കരിനീല ചാന്തും

കണിക്കാണാക്കുന്നിൽ മിന്നും തിരുകോടി പാവും

ആലിലക്കുന്നിലെ ആഞ്ഞിലിയിൽ

നീലക്കൊടുവേലി കൊണ്ടൊരു കൂടൊരുക്കാം

മാനത്തെ മാരിവിൽ ചില്ലയൊന്നിൽ

തമ്മിൽ പുണർന്നാടുവാൻ ഞാനൊരൂയലിടാം

തിളത്തിളങ്ങുന്നൊരിള നിലാവിന്റെ നിലാവിന്റെ കസവും ചൂടിക്കാം

പുഴയിൽ വീഴുന്ന പുലരിമഞ്ഞിന്റെ കുളിരും നേദിക്കാം

മനസ്സിലെ മരതകമണികളിലുണരുമൊരരിയ മധുരമണിയാം

പുതുമോടിപ്പാട്ടും പാടി കളിയാടാൻ വന്നോനേ

ഒരു വല്ലം പൊന്നും പൂവും കണികാണാൻ വേണ്ടല്ലോ

ഇല വന്ദക്കാടും ചുറ്റി കൂത്താടും സ്ഥലമാണേ

ഇടനെഞ്ചിൽ കോലം തുള്ളും പലമോഹം പാഴാണേ

Song : Oru Vallam Ponnum Poovum 

Music : S.P Venkitesh

Lyricist : Gireesh Puthenchery

Singer : M.G Sreekumar, Sujatha Mohan