പൂവേ ഒരു മഴമുത്തം | Poove Oru Mazha Mutham in Malayalam Lyrics | Kaiyethum Doorath Movie Song Lyrics

Lyrics in Malayalam

പൂവേ ഒരു മഴമുത്തം

നിൻ കവിളിൽ പതിഞ്ഞുവോ

തേനായ് ഒരു കിളിനാദം

നിൻ കാതിൽ കുതിർന്നുവോ

അറിയാതെ വന്നു തഴുകുന്നു

നനവാർന്ന പൊൻ കിനാവ്

അണയാതെ നിന്നിൽ എരിയുന്നു

അനുരാഗമെന്ന നോവ്

ഉണരുകയായ് ഉയിരുയിരിൻ

മുരളികയിൽ ഏതോ ഗാനം

പൂവേ ഒരു മഴമുത്തം

നിൻ കവിളിൽ പതിഞ്ഞുവോ

തേനായ് ഒരു കിളിനാദം

നിൻ കാതിൽ കുതിർന്നുവോ

ഓരോരോ വാക്കിലും നീയാണെൻ സംഗീതം

ഓരോരോ നോക്കിലും നൂറല്ലോ വർണ്ണങ്ങൾ

ജീവൻറെ ജീവനായ് നീയെന്നെ പുൽകുമ്പോൾ

രാവെല്ലാം രാവാകും പൂവെല്ലാം പൂവാകും

ഹൃദയമന്ദാരമല്ലേ നീ

ഹൃദയമന്ദാരമല്ലേ നീ

മധുരമാം ഓർമ്മയല്ലേ

പ്രിയ രജനി പൊന്നമ്പിളിയുടെ

താഴമ്പൂ നീ ചൂടുമോ

പൂവേ ഒരു മഴമുത്തം

നിൻ കവിളിൽ പതിഞ്ഞുവോ

തേനായ് ഒരു കിളിനാദം

നിൻ കാതിൽ കുതിർന്നുവോ

കാലൊച്ച കേൾക്കാതെ കനകതാരമറിയാതെ

കൺപീലി തൂവലിൽ മഴനിലാവ് തഴുകാതെ

നിൻ മൊഴി തൻ മുത്തൊന്നും

വഴി നീളെ പൊഴിയാതെ

നിൻ കാൽക്കൽ ഇളമഞ്ഞിൽ വല്ലരികൾ പിണയാതെ

ഇതൾ മഴത്തേരിൽ വരുമോ നീ

ഇതൾ മഴത്തേരിൽ വരുമോ നീ

മണിവള കൊഞ്ചലോടെ

ഒരു നിമിഷം തൂവൽതളികയിൽ

ഓർമ്മക്കായ് നീ നൽകുമോ

പൂവേ ഒരു മഴമുത്തം

നിൻ കവിളിൽ പതിഞ്ഞുവോ

തേനായ് ഒരു കിളിനാദം

നിൻ കാതിൽ കുതിർന്നുവോ

അറിയാതെ വന്നു തഴുകുന്നു

നനവാർന്ന പൊൻ കിനാവ്

അണയാതെ നിന്നിൽ എരിയുന്നു

അനുരാഗമെന്ന നോവ്

ഉണരുകയായ് ഉയിരുയിരിൻ

മുരളികയിൽ ഏതോ ഗാനം

പൂവേ ഒരു മഴമുത്തം

നിൻ കവിളിൽ പതിഞ്ഞുവോ

Song : Poove Oru Mazha Mutham

Music : Ouseppachan

Lyricist : S. Ramesan Nair

Singer : Sujatha Mohan, Biju Narayanan, Dr Fahad, Franco