മാമ്പുള്ളികാവിൽ മരതകകാവിൽ | Maambulli Kavil in Malayalam Lyrics | Katha Parayumpol Movie Song Lyrics

 മാമ്പുള്ളികാവിൽ മരതകകാവിൽ

മണിക്കൊന്ന കണിവെച്ച തമ്പുരാട്ടീ

മഞ്ഞളിൻ നിറം കൊണ്ടും

മൈക്കണ്ണിൻ മുന കൊണ്ടും

മദനനെ മയക്കുന്ന തമ്പുരാട്ടീ

ഇവളിനി മംഗലത്തു 

വിളക്കു വെയ്ക്കണ വമ്പുകാരീ 

മാമ്പുള്ളികാവിൽ മരതകകാവിൽ

മണിക്കൊന്ന കണിവെച്ച തമ്പുരാട്ടീ

ചന്ദ്രകാന്തക്കല്ലു പോലെ

ഇന്ദ്രനീല ചാന്തിൽ മുങ്ങും

ചൈത്ര നിലാവൊത്ത തമ്പുരാനേ

കണ്ണു കൊണ്ടു വാൾ തൊടുത്തും

പുഞ്ചിരിപ്പൂവാൽ തടുത്തും

അങ്കത്തിനായ് വരും ചേകവനേ

കളരിയിൽ ഇനിയൊരു മിന്നായം

കാൽത്തളയുടെ കളമൊഴിനാദം

പാൽനുര നുരയുമൊരിവളുടെ രാമായണം 

മാമ്പുള്ളികാവിൽ മരതകകാവിൽ

മണിക്കൊന്ന കണിവെച്ച തമ്പുരാട്ടീ

നീ വലംകാൽ വെച്ച നേരം

പൂത്തുവല്ലോ പൊന്നശോകം

നീ തൊട്ടാൽ പാടിടും നന്തുണി പോലും

എണ്ണ തീരും കൽവിളക്കിൽ

വെണ്ണിലാവേ നീ ഉദിച്ചാൽ

പൂവിതൾ നാളങ്ങൾ കഥകളിയാടും

നിറപറ നിറയണ പൊന്നാലേ

കിളിമകൾ പറയണ കഥയാലേ

ഓട്ടുരുളിയിൽ ഒരു മനസ്സിൻ പഞ്ചാമൃതം

മാമ്പുള്ളികാവിൽ മരതകകാവിൽ

മണിക്കൊന്ന കണിവെച്ച തമ്പുരാട്ടീ

മഞ്ഞളിൻ നിറം കൊണ്ടും

മൈക്കണ്ണിൻ മുന കൊണ്ടും

മദനനെ മയക്കുന്ന തമ്പുരാട്ടീ

ഇവളിനി മംഗലത്തു 

വിളക്കു വെയ്ക്കണ വമ്പുകാരീ 

Song : Maambullikavil

Music : M Jayachandran

Lyricist : Gireesh Puthanchery

Singer : Vineeth Sreenivasan, Swetha Mohan