നിലാവിന്‍റെ നീലഭസ്മ | Nilavinte Neelabhasma in Malayalam Lyrics | Agnidevan Movie Songs Lyrics

 നിലാവിന്‍റെ നീലഭസ്മ- 

കുറിയണിഞ്ഞവളേ

കാതിലോല കമ്മലിട്ടു 

കുണുങ്ങി നിൽപ്പവളേ

ഏതപൂർവ്വ തപസ്സിനാൽ 

ഞാൻ സ്വന്തമാക്കി നിൻ

രാഗലോല പരാഗസുന്ദര 

ചന്ദ്രമുഖബിംബം

നിലാവിന്‍റെ നീലഭസ്മ-

കുറിയണിഞ്ഞവളേ

കാതിലോല കമ്മലിട്ടു 

കുണുങ്ങി നിൽപ്പവളേ

തങ്കമുരുകും നിന്‍റെ മെയ് 

തകിടിലിൽ ഞാനെൻ

നെഞ്ചിലെ അനുരാഗത്തിൻ 

മന്ത്രമെഴുതുമ്പോൾ

കണ്ണിലെരിയും കുഞ്ഞുമൺ ‌

വിളക്കിൽ വീണ്ടും

വിങ്ങുമെൻ അഭിലാഷത്താൽ 

എണ്ണ പകരുമ്പോൾ

തെച്ചിപ്പൂഞ്ചോപ്പിൽ തത്തും 

ചുണ്ടിൻ‌മേൽ ചുംബിക്കുമ്പോൾ

ചെല്ലക്കാറ്റേ കൊഞ്ചുമ്പോൾ

എന്തിനീ നാണം തേനിളം നാണം

നിലാവിന്‍റെ നീലഭസ്മ 

കുറിയണിഞ്ഞവളേ

കാതിലോല കമ്മലിട്ടു 

കുണുങ്ങി നിൽപ്പവളേ

മേടമാസച്ചൂടിലെ 

നിലാവും തേടി

നാട്ടുമാവിൻ ചോട്ടിൽ നാം 

വന്നിരിക്കുമ്പോൾ

കുഞ്ഞുകാറ്റിൻ ലോലമാം 

കുസൃതിക്കൈകൾ

നിന്റെയോമൽ പാവാട

തുമ്പുലയ്ക്കുമ്പോൾ

ചാഞ്ചക്കം ചെല്ലക്കൊമ്പിൽ 

ചിങ്കാരച്ചേലിൽ മെല്ലെ

താഴം‌പൂവായ് തുള്ളുമ്പോൾ 

നീയെനിയ്ക്കല്ലേ 

നിൻ പാട്ടെനിയ്ക്കല്ലേ

നിലാവിന്‍റെ നീലഭസ്മ 

കുറിയണിഞ്ഞവളേ

കാതിലോല കമ്മലിട്ടു 

കുണുങ്ങി നിൽപ്പവളേ

ഏതപൂർവ്വ തപസ്സിനാൽ 

ഞാൻ സ്വന്തമാക്കി നിൻ

രാഗലോല പരാഗസുന്ദര 

ചന്ദ്രമുഖബിംബം

Song : Nilavinte Neela

Music : M.G. Radhakrishnan 

Lyricist : Gireesh Puthenchery

Singer : M.G. Sreekumar