കണ്മണിയേ എന്നെന്നും നീയെൻ | Kanmaniye in Malayalam Lyrics | Makal Movie Song Lyrics

 കണ്മണിയേ എന്നെന്നും നീയെൻ

ഓമൽ കുഞ്ഞല്ലേ

കൊതി തീരാക്കിനാവല്ലേ

നീ പാടുമ്പോൾ ഉള്ളിൽ നിലാവ്

നീ വാടുമ്പോൾ നോവ്

ചിരി വീണ്ടും ചുണ്ടിൽ 

പൂപോലേ ചേരാൻ

ഇമ ചിമ്മാ രാവായ് അരികേ ഞാൻ

കണ്മണിയേ പൊന്മണിയേ

നീളും മിഴികൾ വെൺ ചേലാലെഴുതി

കൂന്തൽ മെടയാം എൻ ആരോമലേ

നീയെൻ ജീവനാകാശമാകുന്നിതാ

താളം തന്നിതാത്മാവിലാകെ

തലോടാം കുരുന്നേ ഇളം കാറ്റുപോലെ

മനസ്സിൻ വഴിയിൽ 

തണലായ് വരാം ഞാൻ

കണ്മണിയേ പൊന്മണിയേ

കാണാതകലെ ഇന്നോരോ നിമിഷം

താനേയുരുകി ഉൾചൂടോടെ ഞാൻ

നോവും നെഞ്ചിനാഴങ്ങളിൽ വന്നു നീ

തൂവും കുഞ്ഞു തേൻ തുള്ളി പോലെ

മടിക്കൂടിതിൽ നീ മറയാ വസന്തം

മനസ്സിൽ നിറഞ്ഞു പനിനീർ സുഗന്ധം

കണ്മണിയേ എന്നെന്നും നീയെൻ

ഓമൽ കുഞ്ഞല്ലേ

കൊതി തീരാക്കിനാവല്ലേ

നീ പാടുമ്പോൾ ഉള്ളിൽ നിലാവ്

നീ വാടുമ്പോൾ നോവ്

ചിരി വീണ്ടും ചുണ്ടിൽ 

പൂപോലേ ചേരാൻ

ഇമചിമ്മാ രാവായ് അരികേ ഞാൻ

കണ്മണിയേ പൊന്മണിയേ