ആരോമൽ പൂവ് പോലെന്നിൽ | Aaromal Sita Ramam in Malayalam Lyrics | Sita Ramam Movie Song Lyrics

ആരോമൽ പൂവ് പോലെന്നിൽ

പൂത്ത പെണ്ണേ പേര് ചൊല്ലുമോ

ആരോരും കണ്ടിടാ ദൂരം

ഇന്നു നീയെൻ കൂട്ടുപോരുമോ

കുരുന്നു പൂങ്കവിൾ

കുറുമ്പ് പുഞ്ചിരി 

മുഖം തെളിഞ്ഞാൽ

കൊതിക്കും കിനാവുകൾ

നിറഞ്ഞ തൂവും ഇളം

തേൻ നിലാവാണിവൻ

തുള്ളി മാൻകിടാവേ നെഞ്ചിലേറ്റിടും

കുഞ്ഞു ചന്ദ്രബിംബമേ

കണ്ണുഴിഞ്ഞുഴിഞ്ഞു മിന്നി നോക്കവേ

എന്തിതെന്തു ചന്തമേ

മേലെ മേഘ പാളി

താഴെ മഞ്ഞു തൂകി

നിൻ മെയ് മൂടി നിൽക്കവേ

നേരം നിന്നു പോയി

ഏതോ മായ പോയ്

ഒന്നായി നാം നടക്കവേ

നദിയിന്നോളങ്ങൾ കാണാത്ത

കൊലുസ്സുകളായി

കാറ്റിൻ സാരംഗി മൂളുന്നു

മധുരിതമായി

നിനക്കുവേണ്ടി ഈ പ്രപഞ്ചമേ

വിരിഞ്ഞു നിൽക്കയായി

തുള്ളി മാൻകിടാവേ നെഞ്ചിലേറ്റിടും

കുഞ്ഞു ചന്ദ്രബിംബമേ

കണ്ണുഴിഞ്ഞുഴിഞ്ഞു മിന്നി നോക്കവേ

എന്തിതെന്തു ചന്തമേ

ദൂരെ നിന്നവൻ ഞാൻ

ദൂതായി വന്നവൾ നീ

വാക്കായി പെയ്ത മോഹമേ

കാലം കാത്തു നിന്നേ

തിരയാൻ വന്നതല്ലേ

ഇന്നീ സ്വപ്നഭൂമിയിൽ

പൊരുതാനാവോളം

ആശിച്ച വിരലുകളിൾ

പനിനീർ പൂ ചൂടി

നിൽക്കുന്നു വിരഹിതനായി

പിറന്നുവീണു ഞാനീ മണ്ണിലായി

നിനക്കു മാത്രമായി

തുള്ളി മാൻകിടാവേ 

നെഞ്ചിലേറ്റിടും

കുഞ്ഞു ചന്ദ്രബിംബമേ

കണ്ണുഴിഞ്ഞുഴിഞ്ഞു മിന്നി നോക്കവേ

എന്തിതെന്തു ചന്തമേ