അരികെയൊന്നു കണ്ടൊരു നേരം | Arikeyonnu Kandoru in Malayalam Lyrics | Vellari Pattanam Movie Song Lyrics

അരികെയൊന്നു കണ്ടൊരു നേരം 

കനവിലാകെ മധു കണം

വരി തിരഞ്ഞു വഴികളിൽ അലയെ

കരളിലാകെ ഒരു സുഖം

പുതുമയായ് നിറയും പൂങ്കാറ്റിൻ പരിമളം 

എരിയുമെൻ ഹൃദയം 

മഞ്ഞാകും അനുഭവം

നേരം വന്നാൽ ആരും വീഴും 

പ്രേമത്തീനാളം 

ആളും തോറും നമ്മെ മാറ്റും 

മോഹത്തീനാളം

നാളും രാവും കാതിൽ വീഴും 

ഏതോ സംഗീതം

പാവം നെഞ്ചിൻ താളം പാടേ 

തെറ്റും സംഗീതം

മധുര മന്ദഹാസമൊന്നെറിഞ്ഞു 

കണ്ണിമ തഴുകി

പതറി നിന്നൊരെന്നിൽ ആഴ്ന്നിറങ്ങി

ഉമ്മകൾ വിതറി

കാണാതെ ഞാൻ കണ്ട സ്വപ്നങ്ങളിൽ

നീയെന്റെ വർണ്ണങ്ങളായ്

ഇന്നോളമില്ലാത്ത മോഹങ്ങളിൽ

നീയാദ്യ സങ്കല്പമായ്

നാമറിയുമീ കഥ നേരായ്

ആലോലം ചേലാടും 

പൂമുല്ലയായീടുമോ

തേനൂറും കാര്യങ്ങൾ 

കാതോരമോതീടുമോ

പുതുമയായ് നിറയും 

പൂങ്കാറ്റിൻ പരിമളം 

എരിയുമെൻ ഹൃദയം 

മഞ്ഞാകും അനുഭവം

നേരം വന്നാൽ ആരും വീഴും 

പ്രേമത്തീനാളം 

ആളും തോറും നമ്മെ മാറ്റും 

മോഹത്തീനാളം

നാളും രാവും കാതിൽ വീഴും 

ഏതോ സംഗീതം

പാവം നെഞ്ചിൻ താളം പാടേ 

തെറ്റും സംഗീതം